今日係食恵方巻（えほうまき）嘅日子，亦都係難得一遇嘅2月2日（以往都係2月3日）人哋話只要對準有利嘅位置一口氣唔出聲食晒成條嘅話，今年就會有金運同埋幸福降臨！！嚟咗咁多年都冇真係試過，頂晒龍都係食為恵方巻味薯片，今年就去7–11買個韓式恵方巻試下係咪真係會財源滾滾、幸福滿瀉呢？
一打開就見到大量嘅紅蘿蔔絲！救命呀！小弟真係唔鍾意食紅蘿蔔，所以硬着頭皮為咗個意頭食晒佢。味道就梗係同平時喺便利店買到嘅手卷咁好味，但係個粗度就比以往嘅粗好多！臨收工嘅時候同同事傾偈，佢哋個個都話今晚會買海鮮口味，小弟又邊有佢哋咁好咁有錢呀！依家食完仲有啲位，食啲咩好呢？
去mewe睇大丈夫，行多一步走快一步！
https://mewe.com/join/大丈夫東瀛工作遊記
Search